كلما أفتح الفيس بوك والقى كمية المزايدات والكل ماسك في رقبة بعض .. الخراب الحاصل في البلد واصرار كتار موجودين هنا علي انهم يمسكوا في الجنبهم .. كل يوم زول .. وكل يوم موضوع .. امتداد للبحصل في الواقع الزول بتاكد من عمق المشكلة العندنا ...
دي فرهدة ورفاهية شديدة .. وطاقة تحير .. اذا انا ياداب بكون عندي قدرة البس وامشي الشغل لانو الواحد لازم يشتغل ...
ترصد الناس ومراقبة مواقف بعض والاحكام وحراق الروح الحايم دا مجرد دفاعات نفسية لاشخاص غلبهم يعملوا شيء في مشكلة حقيقية بتواجههم هم وبتواجه بلد كامل بالزوال والفناء والموجود جواها مكتوي بنيران مامعروف تستمر لحدي متين ...
شنو البتستفيدوه من كل يوم باطحين واحد او واحدة منكم ارضا وشغالين شتيمة واساءة وغل عجيب ..
كل يوم بكون في فيديوهات لناس بدافعوا عن نفسهم .. بوستات لتبرير مواقف او توضيح
ليه !!!
ليه بنوصل بعض المراحل دي !!
شنو الفايدة وشنو المردود !!
انا احيانا بحس انو في ناس بفرحوا انو لقوا في فلان الفلاني (فرصة)
وما يصدقوا القصة دي .. ويالا
ويجهزوا سكاكينهم
ويسكوا الفارغة في زمن عجيب جدا
خلوا الناس في همهم . . وصلنا مرحلة يوم يفر المء من اخيه. .. خلوهم .. اي زول يشوف حياته واهله وخاصته في زمن الدنيا بقت صعبه جدا .. ومجرد مقدرة الفرد علي انه بس يعيش يعد من الرفاهيات ..
تماضر
تمر الرضا